احتفلت الإعلامية لميس الحديدي بعيد ميلاد مريم السطوحي خطيبة ابنها الوحيد نور عمرو أديب.
وشاركت الإعلامية المصرية عبر حسابها الرسمي على منصة "إنستغرام"، مجموعة من الصور التي جمعتها بمريم مع رسالة عبّرت فيها عن تفاصيل علاقتهما.
لميس الحديدي تكشف عن شخصيتها كحماة لخطيبة ابنها
أوضحت الإعلامية المصرية أنها تتلقى الكثير من الأسئلة عنها كحماة لخطيبة ابنها، وكتبت: "ناس كتير كانت بتسألني يا ترى أنا حماه عاملة إزاي؟ مسيطرة؟ متحكّمة؟ باغير على ابني؟ والحقيقة إني كنت قلقانة جدا مين اللي حتتجوز نور لأنه ابني الوحيد وأنا مرتبطة بيه جدا وباعترف إني كنت دايما باقوله ماينفعش تحب حد أكتر من مامي ( أنا طبعا)".
وأشادت لميس بخطيبة ابنها وقالت: "لكن كرم ربنا دايما عليا كبير، ونور جابلي بنوته حلوة حبّيتها بسرعة.. مريم السطوحي..وبقينا besties زي ماهي بتقول".
وأوضحت أنّ نجلها يعمل في الخارج وقالت: "نور ابني لسه مسافر بيشتغل برة، فهي بقت صاحبتي الصغيرة، وعوّضتني عن غيابه وكأني ما صدقت يبقى عندي بنت فبقيت بافكر فيها وأنا بأعمل شوبنغ، باكلمها تلحقني مع تشات جي بي تي الساعة 3 صباحًا وتعمللي سيرش لو عاوزه أكتب حاجة".
وعبرت عن اعتمادها الكبير عليها في ما يتعلق بالتكنولوجيا وقالت: "احجزي لي سينما يا مريم..ونروح السينما سوى، إلحقي الزوم ميتنغ مش عارفة اعمله ( أنا بشعة فى التكنولوجيا وطبعا باكلّمها في أيّ وقت) إلحقي تلفوني هنغ..محتاسين فى توضيب البيت سوى".
وأوضحت لميس الحديدي أنه يوجد بينهما تشابه كبير وقالت: "ده غير إننا شبه بعض فى حاجات كتيرة: التفاصيل، الدقة، التنظيم، حب الشغل لكن هي علشان مهندسة أشطر مني كتير..ولما بأبقى شوية متضايقة (طبعا نور بيقولها) بالاقي تلفوني بيرن: عاملة إيه ياطنط، أجي لك نخرج؟".
واحتفلت في نهاية المنشور بعيد ميلاد خطيبة ابنها وقالت: "النهارده عيد ميلاد مريم كل سنة وإنت طيبة حبيبتي، ربنا يحفظك يا رب، والسنة الجاية كل أحلامك وأحلام نور تتحقق وتكونوا فى بيتكم إن شاء الله".
واختتمت منشورها بعبارة: "الحمد لله..البنات الحلوين رزق".
