محمد منير أغنية ملامحنا
عاد الكينج محمد منير بأغنية ملامحنا، للجمهور من جديد، وهي من كلمات هالة الزيات وألحان أحمد زعيم وتوزيع عمرو عبدالفتاح وميكس وماستر أمير محروس.
وكانت آخر أعمال محمد منير، أغنية "للي" التي قدمها في عام 2022، وحققت نجاح واسع. وكان الكينج قد وقع مؤخرًا عقدًا فنيًا مع مجموعة روتانا للموسيقى بحضور سالم الهندي رئيس مجلس الإدارة والرئيس التنفيذي لروتانا ومديرها التنفيذي للشئون الفنية بالقاهرة أسامة رشدي.
كلمات أغنية ملامحنا لمحمد منير:
جاءت كلمات أغنية ملامحنا:
كل أما نصور ملامحنا ملامحنا
مش دايمًا بنكون هو إحنا
أوقات بنبان نشبه روحنا نشبه روحنا
وأوقات نتغير
أوقات في الصورة نبان أهدى نبان أهدى
وأوقات في اللمة تبان وحده
وأوقات ملامحنا تبان باهتة تبان باهتة
وساعات بتنور
بس اللي يحير هو إحنا
ليه تملّي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملّي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
كل أما نطبطب على روحنا على روحنا
بنحنّ لذكرى بتدبحنا
وكل أما نلملم في جروحنا في جروحنا
قلوبنا بتتعور
فيه ناس من نظرة بتلمحنا بتلمحنا
وأول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور
بس اللي يحير هو إحنا
ليه تملّي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زيّ الأول
