أكدت النجمة المصرية نيللي كريم، أن لا خلافات بينها وبين صنّاع فيلم "ع الزيرو"، كما تردّد منذ إقامة العروض الخاصة للفيلم، التي غابت عنها.
كريم وخلال لقائها في برنامج "الراديو بيضحك" الذي تقدّمه الإعلامية فاطمة مصطفى، عبر الراديو 9090، قالت: "مفيش عندي تعليق غير إني كنت سعيدة بالشغل مع المخرج ماندو العدل ومحمد رمضان، لكن بالنسبالي كورق ودور اعتبريني ضيفة شرف في الفيلم".
وأضافت: ""ع الزيرو" فيلم محمد رمضان والطفل منذر مهران، ورحلتهما هي رحلة الفيلم... ناس كتير اتكلمت في حاجات كتيرة، أنا مفيش عندي مشاكل مع حدّ، لكن عندي اختلافات في وجهات النظر كممثلة".
وأكملت: "دايماً شركات الإنتاج مفيش عندنا إدارة ممثل، محدش قلبه على الممثل إزاي يطلعه بأحسن شكل، وأعمل له أحسن حاجة، وكل منتج همّه على المشروع ككل، ولو مخططتيش لنفسك عايزة تعملي إيه محدّش هيعملك ده".
Watch on YouTube
وعن مشاركتها في موسم رمضان 2024، قالت نيللي كريم: "أنا الحقيقة بقالي فترة عايزة أريّح لإني تعبت، كل رمضان تدخلي تشتغلي 4 شهور، ويمكن السنة دي كان الدور كورق أقل بكثير... المسلسل اللي قبله "فاتن أمل حربي" كان الدور من الجلدة للجلدة، وأيام الراحة اللي أخذتها كانت قليلة أوي... السنة دي إن شاء الله هعمل مسلسل كوميدي وحابة أفرّح الناس. أنا تعبت من الدراما الثقيلة وتعبتني نفسياً وزهقت".
كما أوضحت أنها تخطّط لتقديم أعمال سينمائية بالقول: "عايزة أركز في السينما، يمكن أنا مقصّرة في السينما من فترة وهي وحشتني".
وعن المشاريع السينمائية التي تنشغل في تحضيرها، قالت نيللي كريم: "عندي فيلم "برشامة" من إخراج خالد دياب، كان المفروض ندخله من شهر لكن أجّلناه، وعندي فيلم اسمه "أناناسة" لو ملحقتش أدخله قبل رمضان يبقى بعد رمضان".
(وكالات)